Oleh: Drs. Isma Tantawi, M.A.
So tanoh Gayo
Burmu mulintang bujur
Senuen ijo mucengkere
Uyem dele senet kekuyang
Aih mubentang
Oyale tanoh Gayo
Rf. Sejukni tawar dedingin
Gelapni cermin kipesni upuh panyang
Ari atasni pematang
Ken tene sara ama-ine
Uken urum toa enti naeh ken basa
Sinte murip bersikeberen
Sinte mate bersientongen
Kati musampe ko tanoh Gayo
Enti naeh kite lale
Kolakan eye langkah narun eye jangkang
Kite susunmi bang belo
Kati enti surang saring
Kite bacaran bang pora
Kati enti kite taring
Rf. Ciconi manuk cicempela
Nge nosah basa
Jerohmi kite murum
Sara tamun menetahi Gayo
Ralik, juelen, sebet, guru
Sudere, urangtue, pegawe,pengulunte
Ama-ine, etek-beru, uwin-bujang
Urum-urum kite lagang
Engon enye langkah
Tetah enye ketike
Urum-urum kite berkekede
Tir kite uwet
Lanih kite nume
Kati dele enguk kite rike
Senin, 25 Mei 2009
Langganan:
Posting Komentar (Atom)
Tidak ada komentar:
Posting Komentar